Art Basel 2025: Миландағы мүсін өнері мен Labubu феномені

Миланда осы жаздың басты өнер шараларының бірі Art Basel жәрмеңкесі өтіп жатыр. 19 маусымда басталған жәрмеңке осы айдың 22-не дейін жалғасып, биыл алғаш рет мүсін өнеріне ерекше ден қойып отыр. Әлемнің 280-нен астам галереясы төрт мыңнан аса суретшінің жұмысын ұсынды. Көпшілік негізінен ауқымды инсталляциялар қойылған Unlimited секциясына қызығушылық танытып жатыр. Бөлім кураторы Джованни Кармине жетпістен астам ірі жұмысты іріктеп алған. Ол көрермендер экспозицияны біртұтас көркем ой ретінде қабылдауы үшін көрсетілім бағытын арнайы өзі құрастырған.

Көрмеге қойылған ерекше жұмыстардың қатарында Саша Губердің балдырдан жасалған салмақсыз мүсіні, Арканджело Сассолиноның механикалық құрылғылары, Маринелла Сенатордың ауқымды инсталляциясы және Сесиль Б. Эванс пен Цао Фэйдің медиамүсіндері бар. Бұл жұмыстар Джованни Карминенің кураторлық стратегиясын айқын аңғартады. Оның мақсаты – мүсін өнерін «органика, механика, медиа, әлеуметтік контекст және визуалды поэзия» сияқты әр алуан қырынан көрсету.

Жәрмеңкедегі ең көп талқыланған оқиғалардың бірі – Kasing Lung жасаған Labubu мүсіншесінің шектеулі сатылымы. Бар болғаны 100 дана мүсіншенің әрқайсысы 200 франктан сатылды. Коллекционерлер оларды көзді ашып-жұмғанша барлығын сатып алған соң, қайта сатылымдағы бағасы 5 мың еуроға дейін шарықтады. Сонымен қатар Art Basel аясында Дэвид Хокнидің «Mid November Tunnel» атты жұмысы 17 миллион долларға сатылды.