Камила Ковязинаның «Бес жыл» кітабын автордың өзімен бірге талқылаймыз
Бір кеште құрбым екеуіміз қыдырып жүргенбіз. Тым кеш болып кетсе де, тарқасуға асықпай, әңгімемізді ары қарай жалғастырғымыз-ақ келді. Сол кезде мен анаммен бірге бала кезден бері жиі баратын кітап дүкеніне кіруді ұсындым: ол жерде екеуіміз кітап сөрелерін әрлі-берлі зерттеп, мұқабаларды қызыға қарайтынбыз. Осы жолы Камила Ковязинаның «Бес жыл» атты кітабына көзім түсті. Оны алуыма жазушы Лили Калаустың кітаптың сыртқы бетіндегі: «Әйелдің әлемге көзқарасы – оның күйзелістерімен, қуаныштарымен, қайғыларымен, ана атануымен, ақымақтықпен, даналықпен, сатқындықпен және достық пен махаббатқа деген сенімімен» деген пікірі қатты әсер етті. Кітаптың көлемі шағын болғандықтан, оны сол дүкеннің ішінде-ақ оқып бітірдік.
«Бес жыл» кітабында үш жас әйелдің сәби сүйген алғашқы жылдары суреттеледі. Ақерке күйеуі мен енесінің көңілін табуға тырысып, өзін жоғалтып алғандай болады. Декреттік демалыста отырғанда Әлияның қаржылық жағдайы қиындайды. Ал Мәдина депрессияға түсіп, баласымен байланысын үзеді. Осындай қиындықтарға тап болған кезде қыздар бір-бірінен қолдау табады. Біркелкі әрі қызықсыз аналар ғана бастан кешер оқиғалар. Дегенмен Камила Ковязина оны ешқандай шағымсыз, ашық баяндай білген. Мұнда маңыздысы, бірақ талқыланбайтын тақырыптар байыппен әрі орынды көтерілген. «Бес жыл» кітабын «Секс в большом городе» фильмінің Орталық Азияға бейімделген шынайы нұсқасы деп атауға толық негіз бар. Кітаптың бірінші бетінен бастап өзіңді басты кейіпкерлердің төртінші құрбысы ретінде сезінесің. Оқырманды оқиғаға терең бойлату әсерін эпистолярлық форма (жеке хат жазысудың әртүрлі түрлерін қолдану – Tatler) одан әрі күшейте түседі. Шынымды айтсам, мен үнемі мұқабаға назар аударып, ойым бөліне берді. Алғашында, мұнда саусақпен аршылған жара бейнеленген деп ойладым. Тек кейіннен алты қол қоршап тұрған жүкті әйелдің әдемі бейнесін көрдім.
«Бес жыл» кітабын Editors’ Pick айдарына таңдағым келгені сол еді, авторы Камила Ковязинамен бірге талқылаудың сәті түсті. Ол маған кітаптың идеясы және сюжетті құрудағы күрделі таңдаулар туралы сыр шертті.
