Біздің YouTube-арнамызда «Карталар сыр шертеді» атты тың айдар бастау алды. Сұхбат форматына жаңа леп беріп, оған мистикалық әуен қосуды ұйғардық: енді біздің қонақтарымыз жай ғана әңгімелесудің орнына карталарға көз салып, тағдырынан сыр тартады. Ал карталар кейіпкерлердің ең құпия сауалдарына жауап береді.

Алғашқы қонағымыз – мәнерлеп сырғанаушы, әлем чемпионатының күміс жүлдегері Михаил Шайдоров. Алматының жасыл желек жамылған тропикалық бағында отырып, Михаил карталардан алдағы жеңістері, өнеріндегі жаңашылдықтар туралы сұрап, шынайы махаббатты қашан жолығатынын болжап көрді. Фигуристің осы және басқа да қызықты сұрақтарына алған жауаптарын біздің жаңа бейнебаянымыздан көре аласыздар!