Еуропа сахнасында көрерменмен «сұхбаттасу» әлдеқашан қалыпты жағдайға айналған. 2025 жылдың 21 мамырында бұл формат Қазақстанда да алғаш рет ұсынылмақ. Дирижер Дастан Ибрагимовтің жетекшілігімен New Symphony симфониялық оркестрі Almaty Theatre-да өнер көрсетеді. Эдвард Элгар, Эммануэль Сежурне және Антонин Дворжактың музыкалық шығармалары орындалып жатқанда, дирижер олардың мазмұны мен сезімдік бояуларын түсіндіріп, классикалық музыканы дұрыс қабылдауға көмектесетін болады. Бұл жаңа тәсіл жастарды классикалық музыканы зерттеуге тартуға және академиялық өнер мен көпшілік көрермен арасындағы тосқауылды жоюға септігін тигізері сөзсіз.