Tatler Editorial: Орталық Азия базарларына саяхат

Tatler Kazakhstan-ның жаңа фотожобасы базарлардың мәдени болмысына үңіледі. Олардың кейбірі заман талабына сай бейімделіп, сауда орталықтарына айналса да, көпшілігі сол бұрынғы тыныс-тіршілігін сақтап қалған. Кейіпкерлеріміздің айналасындағы қайнаған өмір бір сәт те толастамайды. Базардағы қауым кез келген нәрсеге ашық болғандықтан, камера жарқылы мен ерекше киім үлгілеріне таңырқамайды. Мұндай сан алуандықты кезінде Абай да жырлаған: «Әркімге-ақ керегінше бар болар...

Әркімнің-ақ өлшеуімен берер базар».

Базарлар Орталық Азияда Ұлы Жібек жолы дәуірінде қалыптасқан. Олар бүгінге дейін халықтар арасын жалғаған алтын көпір іспетті: Баку баялдысы, Алматы апорты, Бішкек шиесі, Душанбе шабдалысы мен Ташкент қызанағы – осының бәрін бір жерден табуға болады. Біз осы мәдени, әлеуметтік және экономикалық феноменді зерттеу мақсатында бес елге – Қазақстан, Қырғызстан, Тәжікстан, Өзбекстан және Әзербайжанға аттандық. Әр түсірілім тобы өз елінің бірегей болмысын жергілікті брендтер арқылы көрсетуге тырысты.