Шашты күн мен тұздан қалай сақтауға болады және оны немен қорғаған жөн?
Жаз мезгілінде тері күтімі қаншалықты маңызды екенін бәріміз білеміз: тазарту, SPF қолдану, ылғалдандыру – күн астында бетіміз осының бәрін қажет етеді. Ал шаш ше? Ол да күннің көзінде, ол да зардап шегеді және оған да күтім керек. Тым болмаса, сәл де болса кондиционер жаққанның өзі артық болмас еді.
Күн шашты құрғатып, түсін оңдырады, ал теңіз тұзы мен бассейндегі хлор өз зиянын тигізеді. Бірақ демалыста бәріміз де су перісіндей болғымыз келеді: ұзын, жылтыр, сәл шашыраңқы жағажай бұйралары... Бьюти-сарапшымыз Захар Гринов шашты қалай сау, әдемі әрі тыңдайтын етіп сақтауға болатынын айтып береді. Мақала соңында сізді тосынсый күтіп тұр. Ендеше, шаштың басты жауларымен танысайық.
№1 жау – күн сәулесі
Ультракүлгін сәулелер – шаштың қас жауы. Ол шашымыздың негізін құрайтын кератинді бұзып, оны құрғақ, сынғыш әрі жансыз етеді. Сонымен қатар шаш түсін де «жеп қояды»: меланин пигменті бұзылған соң, оның орнында бос орындар пайда болады. Нәтижесінде шаш түсі күңгірттеніп, кеуектеніп, сына бастайды. Сондықтан сәнді Prada панамалары мен Chanel-дің сабан қалпақтарын киіп жүргеніңіз абзал.
№2 жау - ыстық ауа райы
Жоғары температура шашты ылғалдан айырып, оны тамыз айындағы қу шөптей құрғақ әрі сынғыш етеді. Шешімі қарапайым: ылғалдандыратын құралдар мен күннен қорғаныс. Әсіресе, SPF-қорғанысы бар сусабындар мен спрейлерге назар аударыңыз. Олар шашқа арналған күннен қорғайтын крем секілді жұмыс істейді.
№3 жау – теңіз бен бассейн
Тұз бен хлор шаштың ашылған қабыршақтары арқылы оның құрылымына еніп, шашты құрғатады, тіпті түсін де өзгертуі мүмкін. Оған қоса, шашқа шаң-тозаң қонып, ол күңгірттеніп, ретсіз көрінеді. Шешімі – суға түскеннен кейін шашты бірден таза сумен шаю. Осы қарапайым әдеттің өзі көптеген мәселенің алдын алады.
