Олардың бірі Кристен Стюарттың режиссерлік дебюті болды
78-ші Канн кинофестивалінде Chanel қызыл кілемнен ғана емес, титрден де байқалды. Бренд үш бірдей премьераға қолдау көрсетті. Олардың арасында Ричард Линклейтердің стильге толы ретро-одиссеясы, Натали Портман дыбыстаған анимациялық фильм және Кристен Стюарттың режиссерлік дебюті бар.
Nouvelle Vague («Жаңа толқын»)
Ричард Линклейтер
Техастан шыққан тәуелсіз режиссер Ричард Линклейтердің Nouvelle Vague-і Жан-Люк Годардың аты аңызға айналған À bout de souffle атты картинасын түсіру процесін бейнелейді. Франциядағы жаңа толқын қозғалысының негізі қалануы мен америкалық бойжеткен Жан Сиберг – сюжеттің негізгі элементі. Актриса Годар түсірген фильмнің арқасында кино әлемі иконасына және Chanel брендінің тұрақты клиентіне айналған болатын. Костюм жөніндегі шебер Паскалин Шавван брендпен бірлесе отырып, Сибергтің образдарын қайта жаңғыртумен айналысқан екен.
Chanel
1 / 5
Arco («Арко»)
Уго Бьенвеню
«Арго» – Жерге болашақтан келіп түскен ұл баланың хикаясын баяндайтын жарқын анимациялық фильм. Жас француз иллюстраторы әрі режиссері Уго Бьенвенюдің алғашқы көркем жобасы. Натали Портман фильмнің продюсері қызметін атқарып, бас әйел кейіпкерді дыбыстайды.
