Gucci by Demna? Жаңа Gucci Shift кроссовкасы туралы не белгілі?

Көптен күткен Gucci Shift жаңа кроссовкасы таныстырылды. Ресми растау болмаса да, оны қазірдің өзінде Демна Гвасалияның жетекшілігімен жасалған алғашқы ірі премьера деп атап жатыр. Shift – күдері мен торлы тоқымадан жасалған, жұмсақ силуэтті жеңіл low-top кроссовка. Ол Web жасыл-қызыл лентасымен және бауындағы GG металл логотипімен ерекшеленген. Аяқ киім бірнеше реңкте ұсынылған – карамель, ақ және лаванда.

Тесс Петронио түсірген жарнамалық науқанда кейіпкерлер кроссовканы тікелей қолдарында көрсетеді. Gucci-дің монограммалы тотал-луктарында олар таңқаларлықтай китч емес, керісінше, табиғи көрінеді.