«Кадет» және «Қара, қара адам» фильмдерінің авторы Әділхан Ержанов «Қазақтың қорқынышты ертегілері» атты жаңа сериал түсірді
«Қазақтың қорқынышты ертегілері» сериалы – режиссер Әділхан Ержановтың Freedom Media платформасына арнаған жаңа жобасы. Сюжет желісі Қаратас ауылының полицейіне құрылған, ол қазақ фольклорындағы мифтік құбыжықтар мен басқа да тылсым күштерге байланысты кісі өлтіру істерін тергеуге мәжбүр болады.
Сериалдың әлемдік премьерасы Монреальдағы 29-шы Fantasia фестивалінде – жанрлық киноның ең ірі оқиғаларының бірінде өтті. Енді «Қазақтың қорқынышты ертегілері» бірден үш халықаралық фестивальге аттанады: Париждегі L’Étrange, Берлиндегі Seriesly Berlin және Венадағы SLASH. Қазақстандық премьера 23 қыркүйекте Almaty Series Festival аясында өтеді, онда көрермендерге алғашқы үш серия көрсетіледі.
Толыққанды релиз жақын арада Freedom Media платформасында.