Ikos Olivia отелі туралы әңгімелейміз
Гректің Халкидики түбегінде Ikos Olivia отелін қалпына келтіру жұмыстары тәмамдалды. Бұл жаңалық компанияның мерейтойымен тұспа-тұс келіп отыр. 2025 жылы Ikos Resorts өзінің он жылдығын атап өтеді. Нөмірлер, қоғамдық орындар және басқа да кеңістіктер жаңартылды. Сондай-ақ Жерорта теңізі тағамдарын әзірлейтін The Garden мейрамханасы мен Potami бары ашылды. Айта кетейік, бұл бардан ең үздік миксологтар ұсынған ерекше коктейльдерді табуға болады. Ikos Olivia – қала қарбаласы мен адамдардан демалатын жер. Мұндағы нөмірлердің жеке бассейндері, бақшалары және жағажайға шығатын оқшауланған жерлері бар. Люкс санатындағы нөмірлерге тоқтаған қонақтарға ас та төк шампан, спа процедуралары және жеке консьерж қызметтері ұсынылады.
Отель еркін сән-салтанат жырын жырлайды. Қашықтан жұмыс істеуге болатын жер деп ойлаймыз. Ноутбукты құшақтап, ағаштың түбіне жайғасып, теңіздің үніне тәнті болып мақала жазғың келіп кетеді.