Хронографтар уақытты жай ғана санап қоймай, уақыттың тізгінін тартып, әрбір сәтін өлшеп, сағаттың сән-салтанатын паш етеді
Хронографтар уақытты жай ғана санап қоймай, уақыттың тізгінін тартып, әрбір сәтін өлшеп, сағаттың сән-салтанатын паш етеді.
Хронограф – сағат өнеріндегі ең әсерлі әрі ең қызықты құрылғы. Осындай ерекше затқа ие болған соң, онымен әуестеніп кетпеу мүмкін емес: тапсырыс берген кофенің қашан келетінін, бөлмеден бассейнге дейінгі қашықтықты не киім өлшейтін бөлмеде қанша уақыт өткізгеніңді білмек болып, үнемі сағатыңа үңіле бересің.
Сағат шеберлерінің уақытты тізгіндеуге деген талпынысы ешқашан тоқтаған емес. XIX ғасырда сағат пен секундомердің басын қосып, уақытты дәл өлшеуге жол ашқан олар XX ғасырда автоматты хронографты ойлап тапты. Ал XXI ғасырда секундтың жүзден бір үлесін де көрсете алатын таңғажайып дәлдікке қол жеткізді. Сол себепті де әйгілі брендтердің өз хронографтарын не үшін соншалықты мақтан тұтатыны түсінікті. Ендеше сол әйгілі туындылардың әлеміне саяхат жасайық.
Атақты модельдерді қамтитын бұл топтамада Tatler жылдың әр айына арнап, 12 ерекше хронографты жинақтады.
TAG Heuer
Carrera Skipper – теңіз саяхаты мен жарыс рухын біріктіретін регата хронографтарының сирек кездесетін түрі. Оның басты ерекшелігі – шкиперге старт сызығын дәл кесіп өтуге көмектесетін 15 минуттық есептегіштерінде. Бұл модельдің тарихы 1968 жылдан, яғни бренд серіктесі «Intrepid» яхтасының «Америка кубогіндегі» жеңісінен бастау алады. Жаңа нұсқасы көк циферблатты толықтай ашып көрсететін «glass box» сапфир әйнегімен ерекшеленеді, ал сағат тілі үшті көрсететін үш түсті аймағы бар 15 минуттық регата таймері – оның басты ерекшелігі.
TAG Heuer
1 / 2
