Waldorf Astoria Seychelles Platte Island Маэ аралынан оңтүстікке қарай 130 шақырым қашықтықта орналасқан. Курорт аумағында мейрамхана мен барлардың алтауы жұмыс істейді. Moulin мейрамханасы күндіз – аспаздық мектеп, кешке – «жерден жанға» («soil-to-soul») философиясын ұстанатын кешкі ас орны. Мұнда тағамдар тек маусымдық және экологиялық таза өнімдерден дайындалады. Олар ас үйге тікелей аралдың бақшасынан және қоршаған мұхит суларынан жеткізіледі.

Курортта комбуча мен тепаче дайындалады. Отельерлер комбучаның төрт түрін шығарады: классика, құлпынай, апельсин және қауын дәмді.  Қонақтар комбуча мен тепаче дайындайтын шеберханаларға бара алады. Сондай-ақ олар көкөністерді (сәбізден бастап кимчиге дейін) ашыту курсына да қатыса алады. Комбуча және тепаче сияқты ингредиенттер сергітетін сусындар ретінде ғана емес, сонымен қатар салат соусына да қолданылады.

Комбуча – тәтті шай мен SCOBY-дан (бактериялар мен ашытқылардың симбиотикалық колониясы) негізінде ашытылып жасалған, газдалған, сәл қышқыл сусын. Комбучаның тарихы мың жыл бұрын Қытайдан бастау алып, «өлмес шай» деп аталған. 

Тепаче – ананас қабығы, қоңыр қант және дәмдеуіштерден дайындалатын сусын. Ол сәл тәтті, аздап газдалған және табиғи дәмдеуіштерге бай. Бұл дәстүрлі сусын Мексикада жасалған. Оны бастапқыда науа халқы (Nahua people) жүгеріден дайындаған. Сусын жұмсақ, пробиотиктерге бай, ас қорытуды және ішек денсаулығына пайдалы әрі метаболизмді жақсартады.