Картинаның жоғарғы бөлігінде екі «грио» фигурасы орналасқан, ал кенеп бетіне жануарлар бейнесі, жалаңаш әйелдердің мүсіні, спиральдар, қос тұйық, күн жүйесіне сілтемелер мен Фибоначчи алтын қимасы шимай-шимай күйінде салынған. Бұл бейнелердің мәні тереңде жатыр: Батыс Африкада «грио» – ауызша дәстүрде маңызды рөл атқаратын шежіреші не ақын. Оның «грио» кейіпкерлерінің ақ және жасыл электро түспен қара фонда сызылған ерекшеліктері Роберт Фаррис Томпсонның Flash of the Spirit: African & Afro-American Art & Philosophy (1983) кітабындағы идолдарға ұқсас. Олардың көпшілігінің көзі осы картинадағыдай сопақ етіп бейнеленген. Туындының төменгі сол жақ бұрышында жасырынып тұрған қызғылт түсті үшінші, бетперде тәріздес бас бейнеленген. Оның қиял-ойынан қызыл, жасыл және алтын түсті Пан-Африка туының аурасында әйел бейнелерінің шеруі пайда болады. Бұл бөлшектер Баскияның африкалық руханият пен тарихқа деген қызығушылығын көрсеткен. 

Айта кетелік, 2017 жылы азиялық коллекционер, миллиардер Юсаку Маэдзава Баскияның 1982 жылғы Untitled туындысын $110,5 миллионға сатып алып, рекорд орнатқан. 

Наурыздағы сатылымның басқа да басты лоттарының қатарында Пьер-Огюст Ренуардың 1892 жылғы La Promenade au bord de la mer (Le Bois de la Chaise Noirmoutier) картинасы бар, оның болжамды құны – $2,3–3,6 млн. Сондай-ақ Рене Магриттің 1962 жылғы La Clairvoyance туындысы да шамамен $1,93–3,2 миллионға сатылмақ.