Ананың сөмкесінде не бар?

Рубик текшесі – баласы құмда ойнап жатқанда өзіне ермек болады. Шаш қыстырғыш – анаға да, балаға да жарайды. Бұласыр – тізедегі жарақаттарға арналған. Стикерлер – күн тәртібін ұмытпауға көмектеседі. Дәрі-дәрмек – гүлдену маусымындағы аллергияға қарсы. Картхолдер – жақын құрбының сыйлығы. Қамсыз күндерді еске салады. Сүзбе батончигі мен йогурт сусыны – аштықты басады, бірақ күн ыстықта тез бұзылады. Toybox, секіргіш және ойыншық – тыныштық кепілі. Балалар кремі – теріні жұмсартады, иісі жағымды. Дымқыл майлықтар – жабысқақтық сезімін кетіреді. Қуаттаушы сым – кофеханаларда керек. Сағыз – матчадан кейінгі балғын тыныс. Иіссу – грасс раушаны мен ағаш ноталары бар. Сенімділік сыйлайды. Бақбақ гүлдері – балалар алаңының маңынан табуға болады. Тәж жасауға қолданылады. Шырын – көңіл көтеретін сусын. Сүйікті дәм – мультифрут. Сүйікті ойыншықтың суреті – балалар фотоаппаратында түсіріліп, принтермен басып шығарып, баласы өз қолымен бояған өнер туындысы.

Диджейдің сөмкесінде не бар?

Кілтке тағатын салпыншақтар – Purple мен Red барларының тұрақты қонағы. Флешка – бүгінгі DJ-сет. Желпуіш – бір кешке шақырту формасы ретінде келген. Қолданыста жоқ. CD-дискілер – Clairo-ны тыңдайды. Үйдегі жаңа CD-плейердің басты репертуары. Стикерлер – жиналады, бірақ жабыстырылмайды. Әрқайсысының өзінше ерекше, өзінше сирек. Пауэрбанк – бардан уақытша «алып», қайтаруды ұмытып кеткен. Лапша – плейлист жасағанда жеуге жақсы. Құлаққап – күнделікті қолданыста, сахнаға емес. Презерватив – бір реттік қорғаныс кепілі.

Кеш гүлінің сөмкесінде не бар?

Қолма-қол ақша – сусындыққа төлеуге ыңғайлы. Адсорбент – ертеңгі күннің жеңілдігі. Тампондар – жайлылық үшін. Қажет болғанда құрбыңа көмек. Сағыз – түрлі-түсті дражеге ұқсайды, ностальгия сыйлайды. Ерінге арналған бальзам – жабайы інжір иісімен, ерінге коралл реңін береді. Полароид фото – бұлыңғыр. Өткен түн туралы тіс жармайтын ерекше естелік. Иіссу – шағын флаконда. Назар аудартатын хош иіс. Ерін жылтыратқыш – тартымдылықты уақытша арттырады. Сүйісуден кейін жаңарту керек. Кілтке тағатын салпыншақ – бала кезден SpongeBob фанаты. Әсіресе шоколад туралы эпизодты ерекше ұнатады. Күннен қорғайтын көзілдірік – ұйқысыз түннің іздерін жасырады. Сырғаның сыңары – екіншісі дәретханада ұмыт қалған. Тарақ – тек кекілге арналған жеке аксессуар. Пленка катушкасы – естелік пен «компромат» көзі. Тіс щеткасы – әсіресе ащы тауық қанаттарынан кейін қажет. Сіріңке – жабылып қалған Pink барынан қалған жалғыз естелік. Шақпақ – Wallride скейтшопынан тауар сатып алғанда сыйға берілген.

Студенттің сөмкесінде не бар?

Скетчбук – ешқашан бітпейтін идеялар. Винтажды комикс – 1994 жылғы нөмір. Енді ізі де жоқ шағын дүкеннен алынған. Швейцар пышағы – күндердің бір күнінде керек болады. Қалам сиясы – каллиграфия сабағына арналған. Кейде төгіліп қалады. Флюорография – өкпе суреті. Универдегі кейінгі медициналық тексеру кезінде түсірілген. Жол жүру картасы – студенттік картасы жоғалған, ал жаңартуға ерініп жүргендіктен, кәдімгі картаны қолданып жүр. Стикерлер – достардың күлкілі портреттерін салады. Кейде бетбелгі ретінде қолданады. Белгілер мен жапсырмалар – бірі коллекциялық басылымнан, бірі Портлендтен келген. Рұқсат қағазы – университеттің кез келген жеріне кіруге мүмкіндік береді. Құмар ойын кубигі – әр сәрсенбіде RPG клубына барады. Гейм-мастер болуды армандайды. Көзілдірік – мөлдір жиекте. +2 диоптрийімен. Құлаққап – автобуста ұзақ жүргенде қажет. Ашықхат – алматылық терезелермен. Жәрмеңкеден алынған. Жіберетін ешкім жоқ. Пенспиннингіге арналған қалам – ұзақ лекциялар кезінде ермек. Қатар отырғандарды ашуландырады. Ингалятор-қарындаш – эвкалипт хош иісті, балғындық сезімін сыйлайды, сарайыңды ашады. Шанышқы – асығыс желінген түскі астан кейін қалған қоқыс.

📍Түсірілімге локация ұсынғаны үшін Red Beer Bar және Gornaya фотозертханасына ерекше алғысымызды білдіреміз.