Алла өз шығармашылық жолымен таныстырып жатқанда, артындағы экранға оның өнер жолына қысқаша шолу көрсетіліп тұрды. Ол театр училищесіне қабылданбаған кезін еске алып: «Таныстық арқылы түстім», – деп әзілдеді. Бұл оқиға көрсеткендей, кейде тамыр-таныстық та шын дарынның жарқырауына жол ашады. Кездесудің ең қызықты тұсы – қонақтардың Алла Сигаловадан әдемілік құпияларын сұраған кез еді. Ол пластикалық операцияға қарсы екенін айтып, спортты өзінің сұлулық пен күш көзі деп санайтынын айтты. Актриса күн сайын кем дегенде бір жарым сағатын бұлшық етін шынықтыруға арнап тұрады екен.

Іс-шарада киім стиліне талап қойылмаса да, қонақтар ортақ бір стильді ұстана білді. Ашық жазғы киімдер, түрлі реңктер мен сырғып өтетін маталар мерекелік көңіл күйге жетелеп тұрды. Фотоаймақта шампан және дәмді еттен жасалған тіскебасарлар ұсынылды. Іс-шараның басында қонақтарға ерекше тосынсый жасалды. Әрбір қонақ өз қолымен иіссу дайындап, естелік ретінде өзімен бірге ала кетті. Көпшілікке ұнағаны – дәмдеуіштер себілген қаусырманың хош иісі. Редакциямыз да ел-жұрт қатарлы иіссудың бір құтысын дайындап, тамаша естеліктен құр алақан қалмады: енді оны иіскеп, сол ұмытылмас кештің лебіне бөленетін боламыз!