Танымал актер «House of McQueen» атты жаңа пьесада атақты дизайнердің рөлін сахнаға алып шығады
«Бриджертондар» сериалындағы Колиннің рөлімен танылған актер Люк Ньютон «House of McQueen» (ағыл. – «Маккуин сән үйі») атты жаңа қойылымда аты аңызға айналған дизайнер Александр Маккуиннің рөлін сомдамақ. «Люктің бойында бұл рөлге кемелінен келетін ерекше бір қасиет бар», – дейді атқарушы продюсер Рик Лейзес.
Жаңа пьесаның сценарийін Дарра Клауд жазған. Ресми премьера қыркүйек айында The Mansion at Hudson Yards сахнасында өтеді. Ньютонмен бірге Маккуиннің анасы Джойстың рөлінде Бродвей актрисасы Эмили Скиннер ойнайды. Джойс Маккуин 2010 жылдың ақпанында дизайнердің өз-өзіне қол жұмсауынан сегіз күн бұрын қайтыс болған еді. Айта кету керек, дизайнер көз жұмған кезде, компанияның 2008 жылы сөмке сатылымынан түскен пайдасына қарамастан, 32 миллион фунт стерлинг көлеміндегі қарызы болған.
Люк Ньютон | Getty Images
1 / 1