Таиландта төртінші OUTRIGGER курорты ашылмақ

OUTRIGGER Hospitality Group Таиландтағы Пхи-Пхи аралының солтүстігінде орналасқан Zeavola Resort-ты иемденгенін мәлімдеді. Компания шалғай жатқан жерді бірінші дәрежелі жағажай курортына айналдырмақ.

OUTRIGGER Phi Phi Island Resort-қа зүбаржат түстес джунглиге оранып, Андаман теңізінің мөлдір суына малынған 63 вилла мен люкс кіреді делінеді. Курорттың стилі желінің фирмалық эстетикасына сай, яғни қарапайым сән-салтанатты жергілікті сәулет өнері мен дәстүрмен үйлестіре отырып құралмақ. Жаңарту жұмыстары 2025 жылдың қазанында аяқталмақ. Пхи-Пхи аралындағы бес жұлдызды курорт OUTRIGGER-дің Таиландтағы портфолиосы аясындағы төртінші нысан болады. Қалғандары Самуиде, Као Лакада және Пхукетте орналасқан.