Махаббаттың жаңа келбеті: Grok желісінде Valentine атты виртуалды серік пайда болды

Илон Масктың Grok чат-бот платформасындағы аниме-құрбы Эниден кейін, енді оның виртуалды серігі пайда болды. Бұл қосымша осы аптада тек кеңейтілген мүмкіндіктері бар Grok Heavy чатының қолданушыларына ғана қолжетімді болды.

Valentine атты ЖИ-серігінің образы танымал фильмдердегі мінсіз жігіттерден – «Сумерки» фильміндегі Эдвард Каллен және «Пятьдесят оттенков серого» фильміндегі Кристиан Грейден шабыт алған. Илон Маск ботты Роберт Хайнлайнның «Чужак в чужой стране» романындағы Валентин Майкл Смиттің құрметіне атағанын растады. Дәл осы кітапта «грок» (интуиция арқылы біреумен тез тіл табысу) деген термин алғаш рет қолданылған.

Бұл жаңалық интернетте үлкен дау тудырды. Қоғам қауіпсіздік, жасанды интеллектіні сексуалдандыру және ересектерге арналған контенттің балаларға қолжетімді болуы сияқты мәселелерді көтеріп, алаңдаушылық білдіруде. Себебі боттың әйел нұсқасы Эни де, Valentine да тіпті балаларға арналған режимде де қолжетімді болып шыққан. Енді Маск балалар үшін қауіпсіз функциялары бар қосымшаның келесі нұсқасы – Baby Grok-ты іске қосуды жоспарлап отыр.