Белден төмен: әйелдердің бьюти-күтіміндегі жаңа қадам

Интимді күтім бойынша гайд

• Тазарту

Бикини аймағы табиғи тепе-теңдікті бұзбайтын, жұмсақ күтім жасайтын өте нәзік құралдарды қажет етеді. Бұл аймақтағы қышқылды орта зиянды бактериялардың өсуін тежейді. Егер дене терісінің pH деңгейі 5,5 шамасында болса, интимді аймақта ол төменірек, яғни 3,8–4,5 аралығында. Сондықтан құралдың құрамын мұқият оқыңыз: сілтілі компоненттер, сульфаттар және синтетикалық хош иістендіргіштер болмауы керек. Дұрыс таңдалмаған құрам оңай құрғақтық, ашыту және қабыну тудыруы мүмкін. «Интимді гигиенаға арналған» деген белгісі бар құралдарға назар аударыңыз.

• Ылғалдандыру

Ылғалдандыру терінің қорғаныс қызметін сақтап, микрожарықтардың, қышудың және терінің тартылу сезімінің алдын алуға көмектеседі. Бұл әсіресе үнемі қырынатын, синтетикалық іш киім киетін немесе ыстық климатта тұратын болсаңыз, өте маңызды. Жақсы құрал – жеңіл, комедогенді емес, құрамында спирт пен хош иістендіргіштер жоқ. Оны міндетті түрде «интимді гигиена» бөлімінен іздеудің қажеті жоқ. Егер сіздің денеге немесе бетке арналған, құрамы жұмсақ, тексерілген ылғалдандыратын құралыңыз болса, ол да жарайды. Құрамында сүт қышқылы, пантенол сияқты компоненттер, түймедақ пен алоэ вера сығындылары болса, тіпті жақсы.

Self-care-дің жаңа дәуірі

Өзіңе күтім жасауға деген қазіргі көзқарас түбегейлі өзгеріп келеді: интимді аймақ енді тән саулығы, жан тыныштығы мен эмоциялық үйлесімділікті қамтитын саналы wellness-тұжырымдамасының табиғи бір бөлігіне айналды. Күнделікті гигиена құралдарының қатарына енді ләззат алуға арналған өнімдер де қосылды: вибраторлар, лубриканттар және тағы басқалары.

Бұл үрдістің басында, әрине, танымал тұлғалар тұр. Олар бұл трендті зор ықыласпен іліп әкетіп, майлар, гельдер және секс-ойыншықтар сияқты өздерінің жеке wellness-өнімдерін шығаруда. Олардың қатарында Гвинет Пэлтроу, Дакота Джонсон және енді Гарри Стайлс та бар. Осы жазда ол өзінің Pleasing атты бьюти-брендін (иә, иә, сол гендерлік-бейтарап лактарымен танымал бренд) кеңейтіп, Pleasing Yourself топтамасын ұсынды. Бұл желіге стильді екі жақты вибратор мен жоғары сапалы силиконды лубрикант енген.

Бұл көштен Sporty & Rich брендінің негізін қалаған Эмили Оберг те қалыспады. Ол эстетикалық тұрғыдан тартымды вибраторлары мен дұрыс pH деңгейі бар интимді гелі бар Sensual Sport атты премиум wellness-брендін іске қосты. Велнес-мәдениетін берік ұстанатын ол үшін сексуалды ләззат алу – сұлулық ритуалдарының ажырамас бөлігі. Себебі интимді өмірдің сапасы адамның менталды денсаулығына тікелей әсер етеді, ал ол – өзіңе саналы түрде қамқорлық жасаудың негізі.

Бүгінде интимді күтім – енді тыйым салынған тақырып емес, әйелдердің сұлулық күтімінің табиғи әрі жағымды жалғасы. Ол өз денеңді тереңірек сезінуге көмектеседі, сенімділікті арттырады және еш қысылмастан өзіңе қамқорлық жасауға жол ашады. Сайып келгенде, жайлылық, ләззат және саналылық – біздің шынайы лайық болған дүниеміз осы емес пе?