Алматыда YSL Beauty брендінің жаңа бастамасы YSL Beauty Light Club атты жабық клубының тұсауы кесілді. Бұл ерекше клуб брендтің адал жанкүйерлеріне арналған. Клуб мүшелері эксклюзивті ұсыныстарға, жаңа өнімдердің тұсаукесерлеріне және түрлі іс-шараларға қатысу мүмкіндігін алады.

2025 жылдың 28 мамырында Almaty Theatre сахнасында брендтің танымал хош иістері – LIBRE, MYSLF, BLACK OPIUM және Y жұртшылыққа таныстырылды. Осы кеште басты назарда MAKE ME BLUSH қызарғышы мен LOVESHINE ерін далабы болды. Сен-Лоранның өзі шабыттанған 1980 жылдардағы клубтық өмірдің ерекше атмосферасы орнады. Nurboogie, Midclassgypsy және DJ Dianella сынды диджейлердің арқасында сұлулық пен музыка тамаша үйлесім тапты. Бұл кеште қаланың зиялы қауымы мен танымал тұлғалары жиналды. Олардың қатарында блогерлер Гүлсезім Хасен мен Индира Ғаббасова, Visa Fashion Week Almaty бас директоры Бауыржан Шәдібеков, актриса Гүлназ Жоланова және, әрине, Айя Шалқар болды.

YSL Beauty Light Club аясында 4 маусымда Mega Almaty сауда ойын-сауық орталығында арнайы поп-ап ашылады. Онда брендтің эксклюзивті өнімдерімен танысуға мүмкіндік бар. Saint Laurent әрдайым инновациялық тәсілдерімен танымал, сондықтан бұл жаңа кеңістіктің де көпшілікті таңқалдыратынына сенімдіміз.