Gucci мен Saint Laurent топтамалары арқылы танымал Kering Eyewear компаниясы Google-мен бірлесе отырып, Android XR платформасына негізделген, жасанды интеллектімен жабдықталған смарт көзілдірік жасауға кірісті
Екі компанияның мәлімдемесінде олардың мақсаты – жасанды интеллектінің озық технологияларын, интеллектуалды функцияларын және адамға бағытталған технологияларын күнделікті өмірге оңай енетін бір құрылғыға біріктіру.
Kering Eyewear компаниясының негізін қалаушы, президенті және атқарушы директоры Роберто Ведовотто бұл серіктестікті былай деп сипаттады: «Біз Google компаниясымен бірге инновация мен көреген ойлау құндылықтарын бөлісу құрметіне ие болдық және олармен компаниямыздың болашақтағы дамуын зерттеуде серіктес болғанымызды мақтан тұтамыз».
Смарт көзілдіріктер пайдаланушыларға қоршаған ортамен жаңа және мағыналы тәсілдермен өзара әрекеттесуге мүмкіндік беретін интуитивті жасанды интеллектімен жабдықталған. Интеллектуалды өзара әрекеттесуден бастап контексті түсінуге дейінгі әрбір деталь сұлулықты, стильді және көзілдіріктің тағуға ыңғайлы екенін көрсете отырып, перспективалық тәжірибені қамтамасыз ету үшін әзірленеді.
Kering Eyewear және Google-дың алғашқы смарт көзілдіріктерінің нақты қай уақытта нарыққа шығатыны және Kering eyewear портфолиосының қай брендтері ұсынылатыны туралы ақпарат әзірге жоқ.