Tatler Editorial: Соңғы жылы күндер

Tatler Kazakhstan үшін арт-директор Ілияс Әукебаев пен фотограф Никита Шалетин Алматы облысының Алға ауылы маңында арнайы фотосессия өткізді

Алматының күзі ерекше жайлы: күннің сәулесі әлі төбеңді қыздырғанымен, салқын жел бетіңді аймалайды. Осындай сәтте барлық істі кейінге ысырып, қағазбастылықтан, дедлайндар мен онлайн-кездесулерден алыс, тыныш бір жерге тығылғың келеді. Жылы көрпеге оранып, матчаның орнына асқабақты латте ішіп, теледидардан «Gilmore Girls» сериалын қайталап көргің келеді.

Біздің фотосессиямыздың кейіпкерлері сол күйбең тірліктен құтылып, қала сыртына аттанды. Олардың мақсаты – осы жылда соңғы рет сарғайған шөптің үстінде жатып, жаздың соңғы сәттерін сезіну. Олардың сәнді образдары қалалық контекстен шығып, біртіндеп табиғатпен біте қайнаса бастады. Дәл сол сәтте олар бостандықты сезініп, табиғатпен біртұтас күйге енді.

1 / 2

Жігіт пен қыз күн батқанша осында болды. Олардың тез арада кеткісі келмеді. Сол кезде жігіт аспанға көз тігіп, оның кеудесінен тыныш бір сыр ақтарылды:

«Жасанды шудан, жабысқан сансыз көздерден,
Мағынасыз айтылған бос сөздерден
Шаршадым. Шашымды тарап, киім киемін,
Жаңа бір күнге осылай дайын жүремін.

Көз ұшында көкжиегі жоқ даланы,
Көрсем деймін қайта жаңғыртып санамды.
Жол, шаң... Бұл жерде менің орным жоқ,
Өзгенің сөзінде жүргендей көңілім жоқ.

Сыртым – «кеңседегі сәнқой жігіт», жүзім жарық,
Ішімде бірақ сөніп барады барлық жарық.
Жүрекке махаббат сыймай, толған соң мұңға,
Тастап шықтым сарайымды, аттандым жолға».

Арт-директор – Ілияс Әукебаев
Фотограф – Никита Шалетин
Стилист – Сая Санкибаева
Визажист – Карина Бабеджанова
Шаш стилисі – Екатерина Чистюнина
Продюсер ассистенті – Илья Ким

Киім брендтері:
– Ushatava
– Titre Trois
– anima

Темы

Editorial Алматы

Tatler Editorial: Қала күйбеңінен қашу