Boucheron зергерлері табиғаттың нәзік сұлулығын бағалы әшекейге айналдырды
Икебана өнері, жапондықтардың солып бара жатқан гүлдің сұлулығына деген сағынышы және француздардың сән-салтанатқа құштарлығы... Осы үшеуі қосылса не шығады? Дәл осы сұраққа жауап ретінде Boucheron зергерлік үйі Carte Blanche 2025: Impermanence атты жаңа топтамасын ұсынды.
Брендтің креативті директоры Клэр Шуан бұл жолы ерекше идеяны қолға алған. Ол табиғаттың енді ғайып болып бара жатқан нәзік сәтін тоқтатып, оны зергерлік бұйымға айналдырғысы келген. Топтамада 28 түрлі трансформер-әшекей бар. Олардың барлығы гүл, жапырақ, жәндік немесе шыны құмыра кейпінде жасалған. Әрқайсысы бір сәтке қатып қалғандай әсер қалдырады. Дизайнердің басты ойы – «мәңгілікті» іздеп жүргенде байқалмай қалатын табиғаттың өткінші сұлулығын көрсету. Топтамадағы алты композиция осы қоштасу сәтін баяндайды. Санақ кері жүреді: №6-дан №1-ге, жарықтан көлеңкеге, өмірден өшуге қарай.
№6: Қызғалдақ, эвкалипт, инелік
Боросиликатты шыны бұл композицияны әуеде қалқып тұрғандай жеңіл етіп көрсетеді. Ауадан қиып алғандай көрінетін қызғалдақ пен эвкалипттің жанында сапфир шыны мен інжуден жасалған инелік бар. Гүлдер брошь немесе шаш әшекейіне, ал инелік сырғаға айналады. Бұл туындыға 1860 сағат жұмсалған.
Composition N°6 | Boucheron
1 / 2
