Prada-ның түрлі-түсті әлемі: Couleur Vivante зергерлік топтамасы

Prada Миучча Прада мен Раф Симонс жасаған Couleur Vivante атты жаңа зергерлік бұйымдар топтамасын таныстырды. Оған аметист, аквамарин, «Мадейра» цитрині, қызғылт морганит және «Оро Верде» перидотынан жасалған сырғалар, солитер-жүзіктер, білезіктер және rivière алқалары енген. Couleur Vivante топтамасының негізінде – «Prada палитрасынан» алынған күтпеген түс үйлесімдері және сән үйінің негізін қалаушы Марио Прада ойлап тапқан брендтің танымал символы, үшбұрыш жатыр.

Жарнамалық науқанды британдық фотограф Дэвид Симс түсірген. Оған актрисалар Майя Хоук пен Ким Тэ Ри, сондай-ақ ақын әрі белсенді Аманда Горман қатысты.

Әрбір бұйым Aura Consortium блокчейн-платформасында тіркелген, бұл сатып алушыларға әшекейдің түпнұсқалығын тексеруге және тастардың шығу тегін қадағалауға мүмкіндік береді. Couleur Vivante топтамасы 2025 жылдың қазан айында сатылымға шығады.