Esentai Mall-дағы Muse көрмесі

24 қыркүйек пен 20 қазан аралығында Esentai Mall-да жыл сайынғы Art Days жобасы аясында Muse ғылыми-көркемдік көрмесі өтеді. Оның мақсаты – өнер мен ғылымдағы әйелдердің басын қосып, жас ұрпақты STEM-мамандықтарын таңдауға шабыттандыру. Қатысушылар экология мен денсаулық сақтаудан бастап, мәдениет пен ғарышқа дейінгі өзекті мәселелерді шешуге бағытталған жұмыстарын ұсынады.

Көтерілетін тақырыптардың қатарында: Алматыдағы ауаның ластану себептері, қызылша індеті кезінде иммундау жүйесін нығайту, айнымалы жұлдыздарды зерттеу, Қазақстандағы жатыр мойны обырының скринингіне деген көзқарас, сондай-ақ кеңестік музыкалық комедияларды қайта пайымдау бар. «Біз адамдардың ғылымның да сезімтал әрі қолмен ұстауға болатынын, ал өнердің – қоғаммен диалог құру құралы екенін көргенін қалаймыз», – деп атап өтті жоба кураторларының бірі Наргиз Магаева.