Әлемдік тенордың дауысы Almaty Arena сахнасында естілмек: Con te partirò, Vivo per lei және басқа да хиттер орындалады
28 қазанда Almaty Arena сахнасында заманауи опера өнерінің ең танымал тенорларының бірі – Андреа Бочелли өнер көрсетеді. Италия мәдениетінің символына айналған зағип маэстроның музыкасы отыз жылдан астам уақыт бойы миллиондаған жүректі баурап келеді. Осы уақыт ішінде оның 90 миллионнан астам альбомы сатылып, композициялары бүкіл әлем бойынша 16 миллиардтан астам рет тыңдалған.
Андреа Бочеллидің репертуары опера классикасы мен поп-хиттерді, сондай-ақ Дженнифер Лопес, Кристина Агилера, Дуа Липа, Стинг, Стиви Уандер, Тони Беннетт сияқты әлемдік жұлдыздармен орындалған дуэттерді қамтиды. Алматыдағы күзгі кеште көрермендер аты аңызға айналған арияларды, әлемдік хиттерді және әртістің өзіндік ерекше орындау мәнерін тамашалай алады.
Концертке билеттер Freedom Ticketon платформасында сатылымға шықты. Сатылым 22 тамызда сағат 15:00-де Freedom SuperApp қосымшасында, ал 25 тамыздан бастап ticketon.kz сайтында басталған.