Jumeirah алғаш рет Африка нарығына шығып, екі эксклюзивті курорт ашты: бірі – Танзаниядағы оңаша арал, екіншісі – ОАР-дағы сафари-қорығы
Сән-салтанатты қонақжайлылық саласындағы жетекші әлемдік бренд және Dubai Holding мүшесі Jumeirah африкалық Thanda Group-пен серіктестік арқылы Африка нарығына шыққанын жариялады. Осы серіктестік аясында екі бірегей бағыт іске қосылды: Танзания жағалауындағы оңаша Jumeirah Thanda Island тропикалық аралы және ОАР-дағы сәнді Jumeirah Thanda Safari сафари-қорығы.
Jumeirah Thanda Island аралында қонақтарды нағыз тропикалық ертегі күтеді. Қонақтарды жеке бас аспазы бар вилла, тасбақалар мен акулалармен бірге су асты әлеміне саяхат, және аппақ жағажайдағы ұмытылмас күн батуы күтеді. Арал теңіз қорығында орналасқандықтан мұнда рифтерді қалпына келтіру мен тасбақаларды қорғау жобаларына қолдау көрсетілетін болады.
Ал ОАР-дағы Jumeirah Thanda Safari-де қонақтар Оңтүстік Африканың «үлкен бестігі» мекендейтін қорықта сафариге шыға алады. Сондай-ақ, жұлдызды аспан астында кешкі ас ішіп, зулус мәдениетімен танысып, Royal Thanda Club клубының сәнді резиденцияларында демалуға болады. 2027 жылға қарай жаңа глэмпинг пен лодж ашу жоспарда бар. Сонымен қатар, Jumeirah «Өмір жұлдызы» бастамасы арқылы табиғатты сақтауға және жергілікті қауымдастықтарды қолдауға белсенді қатысады. Курорттар алғашқы қонақтарын 2024 жылдың желтоқсан айында қабылдай бастады.
1 / 9