Dyson компаниясы сынғыш шаш мәселесін шешуге бағытталған Omega атты күтім құралдарының жаңа желісін жасап шығарды
Компания негізін қалаушы Джеймс Дайсон өзінің фермерлікке деген құштарлығы мен жоғары технологияларды тағы да шебер ұштастырды. Бұған дейін ол өз алқабында өскен құлпынайдан шабыт алып, Dyson Beauty құрылғыларының ерекше түстер топтамасын жасаса, енді сол иелігіндегі өнімді шашқа арналған косметика шығаруға пайдаланып отыр.Осы бірегей идеяны жүзеге асыру үшін кәсіпкер Ұлыбританиядағы 15 мың гектардан асатын ауылшаруашылық жерінің тоғыз гектарын арнайы осы Omega топтамасына арнаған.
Екі жылға созылған зерттеу барысында Dyson командасы шаштың барлық түріне келетін бірегей формула әзірледі. Олар күнбағыстың 60-тан астам сортын сынақтан өткізіп, солардың ішінен табиғи керамидтерге ең бай түрін таңдап алды. Дәл осы күнбағыстан тікелей сығу әдісімен алынған май жаңа өнімдердің негізгі құрамына енді. Компанияның мәлімдеуінше, бұл топтама шашты 94%-ға дейін нығайтады. Мәселен, құрамында силиконы жоқ ылғалдандырғыш май шашқа 261% қосымша жылтыр берсе, жууды қажет етпейтін кондиционер оның сынғыштығын 73%-ға төмендетеді. Мұндай керемет нәтиже беретін өнімнің құны 70 доллардан аспайды. Бұл – кез келген адамның қалтасы көтеретін Dyson.
Dyson Omega шашқа арналған жуылмайтын спрей-кондиционері | Dyson
1 / 2