Джонатан Андерсон Сохода жеке бутигін ашпақшы

Бірінші қазанда өтетін Dior-дағы дебюттік көрсетілімі алдында Джонатан Андерсон өзіне деген қызығушылықты одан әрі арттыруда. Жақында дизайнер лондондық Сохо ауданында өзінің JW Anderson атты жеке дүкенінің ашылатынын жариялады. Әзірге тек Андерсонның өзі аукционнан тапқан олжалары, киімдер, интерьер заттары мен керамикалық ыдыстар сатылатын сайты ғана жұмыс істеп тұр.

Сонымен қатар, жақын арада дизайнердің үйге арналған тауарлар шығаратын Wedgwood компаниясымен алғашқы ынтымақтастығы жарық көреді. Дизайнердің жоспары мұнымен шектелмейді: ол Лондон, Париж және Нью-Йоркте жаңа дүкендер ашуды көздеп отыр. «Әрбір ашылу өз ауқымы жағынан Сән апталығындай болады», – дейді ол. Бұл бутиктер жай ғана сауда орны емес, тұжырымдамалық тұрғыдан көрме залдарына ұқсас ерекше кеңістік болмақ.