Queen Mountain Resort – қала сыртындағы демалысыңызға арналған жаңа мекен
Алматылықтардың қаланың қарбаласынан тау бөктеріне қашып, джаз тыңдап, керемет көріністерді тамашалап, ерекше демалғанды жақсы көретіні белгілі. 28 маусым күні Queen Mountain Resort осы дәстүрді жаңа деңгейге көтеріп, қонақтарға есігін айқара ашты. Осылайша, рахатқа толы жаңа маусым да басталды.
Бұл кешке 500-ден астам қонақ жиналды: олардың арасында дизайнерлер, әртістер, медиа тұлғалар және жай ғана әдемі өмірді бағалайтын жандар болды. Барлығы жаңа мекеннің атмосферасын алғашқылардың бірі болып сезінуге асықты. JCS тобының орындауындағы рок пен шығыс сарындары аралас джаз әуені бүкіл аңғарды тербеп, ерекше көңіл-күй сыйлады. Қонақтар әнге қосылып, бір-бірімен асықпай әңгіме-дүкен құрып, осы сәттің әрбір лебін сезініп, рахаттанып жатты.
Шеф Кирилл Громов Queen Mountain үшін ерекше мәзір әзірлеген: қарапайым, шынайы әрі талғампаз. Үй ірімшіктері, отын пешке піскен пицца, тартарлар мен дәмі тіл үйіретін десерттер – мұның бәрі қонақтардың көңілінен шықты. Бірақ мұндағы мәселе тек тамақта ғана емес. Бұл жердің атмосферасының өзі ерекше: террасада отырып, шезлонгта жатып, балалармен шағын хайуанаттар бағын аралап немесе болашақта ашылатын монша кешенінде демалып, уақыттың қалай өткенін байқамай қаласың. Бұл кеңістік қаланың қарбаласынан арылтып, бой жаздырып, еркін тыныстататын шипа сияқты.


