Tatler Kazakhstan үшін жасалған сәнді фото-хикаядағы ғашықтардың Қапшағайға сапары
Қаланың қарбаласынан қашып, еркіндікке ұмтылған қос жүрекке көп нәрсенің қажеті жоқ. Шомылу киімі мен бір тілім қарбызды ғана алып, олар демалыс күндері Қапшағайдың толқындарына қарай жол тартады. Қаланың шуы артта қалып, айналада тек толқындардың жартасқа ұрған дыбысы мен жаздың ыстық лебі ғана сезілетін жерде ғашықтар нағыз бақыттың не екенін түсінеді. Күнге күйген денелері құлпынай түске боялып, ылғал ауадан шаштары бұйраланып, маңдайларынан тер моншақтаған осы сәт – толықтай рухани жаңаруға алып келетін, тәтті бір шаршаудың шыңы. Ертең олар қалаға қайтқанымен, осы қысқа сапардан естелік болып денедегі күннің табы мен жастық шақтың ыстық сәтін сақтап қалған фотосуреттер қалады.
1 / 2
1 / 1
