Терренкурдағы серуен мен Мемлекеттік академиялық опера және балет театрындағы алғашқы қойылымды еске түсіретін хош иістер
«Пруст феномені» туралы естідіңіз бе? Бұл термин Марсель Прустың «Жоғалған уақытты іздеу» романының арқасында пайда болды. Онда кейіпкер «мадлен» печеньесін шайға батырғанда, оны лезде балалық шақ естеліктерінің толқыны алып кетеді. 80-жылдары The City University of New York университетінің ғалымдары адам жадын не нәрсе күштірек оятатынын тексеріп көрген: иіс пе, сурет пе, әлде дыбыс па? Нәтижесінде хош иістер жеңіп шыққан: олар ең жарқын әрі ең ертедегі, кейде сәбилік шақтан қалған естеліктерді оятады екен.
Дәл сол сияқты, бүгінгі кейбір хош иістер бізге туған жерімізді еске салады. Горький саябағындағы жаз SYD Botanica-ның Angelface кәмпит-гүлді иісіндей аңқиды. Алғашқы балетке барған сәт – Frederic Malle-нің Lipstick Rose пудралы иісіндей сезіледі. Ал асқар таулардың иісі – Creed-тің салиқалы үйлесімдеріндей. Біз туған Алматымыздың ең танымал және көпшілік біле бермейтін мекендерімен үндесетін сегіз хош иісті жинақтадық.
«Алатау» санаторийіндегі (Swissotel Wellness Resort Alatau Almaty) әжемен бірге демалыс
Chloé ұсынған Chêne
Ноталары: емен жапырағы, інжугүл, мандарин, балқарағай, мускус
Chêne от Chloé санаторийдегі серуеннен кейін әжеңізбен бірге баратын моншаның иісін еске салады, бірақ одан әлдеқайда талғампаз (дәл бүгінгі «Алатаудың» өзіндей). Хош иіс мандарин мен лаврдың мерекелік балғындығымен ашылып, содан кейін емен, сандал және мускустың жарқын реңктері бар таза гүл ноталарына ауысады. Сабынның немесе ауыр ағаштың иісі мүлде жоқ – тазалық эстетикасын бағалайтындар үшін мінсіз таңдау.
1 / 1
