35 жасында 25-тегідей көрінетін миллениалдардың сыры неде?
Көпшілігіміз «Devil wears Prada 2» фильмінің түсірілімінде Энн Хэтэуэйдің бір күн де қартаймағандай көрінетінін байқаған болармыз. Бірінші фильмнен бері 20 жыл өтсе де, ол әлі сол баяғы редакцияның ассистенті сияқты. Интернетте Энн сияқты миллениалдар (1981-1996 жылдары туғандар) өз ата-аналарының осы жастағы кезінен әлдеқайда жас көрінетіні жиі талқыланады. «Гарри Поттер» жанкүйерлері мен мем жасаушылар қартаюды денелік те, психологиялық та тұрғыдан кейінге ысырғандай.
«Нағыз ересек» бейнесі өткен ғасырда қалып қойды. Миллениалдар «ересек» өмірге асықпайды: кеш үйленеді, балалы болуды одан да кейінге қалдырады немесе олардың орнын Instagram-да жеке парақшасы бар үй жануарларымен алмастырады. Мүмкін, құпияның бәрі осында жатқан болар: «салмақты» өмір неғұрлым кейін басталса, кәрілік те соғұрлым баяу жететін сияқты. Оның үстіне, шалбарлы костюммен кроссовка киетін бұл буынның сәнді спортзалдарға да, ботоксқа да қолы жетеді. Миллениалдар жастығын сақтаудың тағы қандай жолдарын тапты? Осы сұрақтың жауабын бьюти-сарапшы Захар Гриновтан біліп көрдік.
Сұлулыққа деген саналы көзқарас
Интернетпен бірге пайдалы ақпарат та келді: YouTube-тағы макияж жасау нұсқаулықтары, құтылардың құрамын оқуды үйреткен блогерлер және Vogue журналының жұлдыздардың бьюти-күн тәртібі туралы роликтері. Енді SPF 50-дің тек жағажайға арналмаған, қартаюдан қорғайтын қажетті құрал екенін бәрі біледі. Оны алдымен гидрофильді маймен, содан соң көбікпен жуу керектігі де жаттанды ережеге айналды. Өзіне күтім жасау күніне жарты сағат уақыт жұмсауға тұрарлық бьюти-ритуалға айналды. Гуаша, сарысулар, мата маскалар енді әрқайсымыздың ванна бөлмеміздегі сөреден орын алды. Мүмкін, бұл косметикалық брендтер маркетингінің жемісі шығар, бірақ көпшіліктің терісі бұрын-соңды болмағандай жақсы көрінеді.
